Rokaligt hár og gylt andlitssmyrsl

Sunnudagur 21. august 2011 - 07:39

Nú veturin stundar til, fara vit at síggja alt meira til heitar litir í mótanum – eisini sminkumótanum.

Vit sóu eitt vakurt dømi um heitar litir, tá ið kolleksjónin hjá amerikanska merkinum Rodarte fyri heystið og veturin 2011 varð framsýnd í New York fyri góðum hálvum ári síðan.

Eygu, varrar og negl vóru øll prýdd við heitum gulum litum, sum m.a. verða róptir sólsetursgulir. Hóast liturin í sjálvum sær er eitt sindur øðrvísi enn tað, sum vit vanliga síggja, tá ið um sminku ræður, er endaliga úrslitið einfalt og vakurt.

Saman við gylta andlitssmyrslinum var hárið á modellunum rokaligt og onkursvegna tilvildarligt undir sýningini. Hetta hóskar eftir mínum tykki sera væl til einfalda andlitssmyrslið.

Sí tvær myndir av sýningini omanfyri. Sí fleiri myndir her.